പാർട്ടിയിൽ പെടാത്തവൻ

പാർട്ടിയിൽ പെടാത്തവൻ 

മാധ്യമ പ്രവർത്തകർ പലരും കൊള്ളരുതാത്തവരും ഗുണ്ടകളുമാണ്
യജമാനന്മാർക്കു പാദ സേവ ചെയ്യാൻ മാത്രം മിടുക്കന്മാർ
മറ്റുള്ളവർക്ക്‌ നേരെ കുരയ്ക്കും, കടിക്കും
യജമാനനു നേരെ വാലാട്ടും, മുട്ടിൽ ഇഴയും

മാധ്യമ മുതലാളിമാർ വാർത്ത‍ വിറ്റു കശാക്കുന്നവരും
ക്രൂര മനസ്ഥിതിക്കാരുമാണ്
ഫോർത്ത് എസ്റേറ്റിന്റെ നന്മ തൊട്ടു തീണ്ടിയിട്ടില്ല
അവരുടെ ഹിഡൻ അജണ്ട നടപ്പാക്കുക തന്നെ ചെയ്യും.

പ്രതിപക്ഷത്തിരിക്കുന്നവർ ഭരണ പക്ഷത്തുള്ളവന്റെ
ഓരോ വീഴ്ചയിലും എത്ര കണ്ടു മുതലെടുക്കാമെന്ന്
ചിന്തിക്കുന്നവരാണ്

അവർ പേർത്തും പേർത്തും പറയും
ഞങ്ങൾ ജന നന്മയ്ക്കു വേണ്ടി പ്രവത്തിക്കുന്നവരാണ് .
കൂലി സമരക്കാരെ തെരുവിലിറക്കി പൊതുമുതൽ നശിപ്പിക്കും
സമരത്തിനു മൂർച്ച കൂട്ടാൻ -

കല്ലെറിഞ്ഞും ബാരിക്കേഡുകൾ ചവിട്ടി തകർത്തും
പോലീസ് കാരെ പ്രകോപിതരാക്കും
ലൈവ് വാർത്തകൾക്ക് വേണ്ടി -

തെരുവിൽ ആക്രമം അഴിച്ചുവിടും അന്യന്റെ
വാഹനങ്ങളും മുതലും നശിപ്പിക്കും,
സ്വന്തം പാർട്ടിക്കാരന്റെതലല.

ഭരിക്കുന്നവരിൽ അധികം പേരും
ധാർമികത ഇല്ലാത്തവരും പൊതുമുതൽ കൈ ഇട്ടു
വാരുന്നവരും, കള്ള വ്യവസായികൾക്ക്
കൂട്ട് നില്ക്കുന്നവരുമാണ്.

ജനത്തിനു ഇതൊക്കെ കണ്ടു വാ പൊളിച്ചു നിൽക്കാനേ
കഴിയൂ, പരസ്പരം ചർച്ച ചെയ്യാനും
കാരണം അവൻ ഒരു പാർട്ടിക്കാരനുമല്ല.